İqlim dəyişikliyi, urbanizasiya və post-münaqişə bərpası prosesləri bir-biri ilə sıx bağlıdır və bu amillər şəhərlərin planlaşdırılmasına yeni yanaşmalar tələb edir.

"APA-Economics"in Bakıda keçirilən Dünya Şəhərsalma Forumunun (WUF13) “Həssas və münaqişədən zərər çəkmiş ərazilərdə şəhər həlləri vasitəsilə sülhə töhfə verən iqlim fəaliyyəti” adlı sessiyasından verdiyi məlumata görə, bunu Azərbaycan Xarici İşlər Nazirliyinin xüsusi tapşırıqlar üzrə səfiri Elşad İskəndərov bildirib.

Onun sözlərinə görə, iqlim dəyişikliklərinin təsiri artıq bütün dünyada hiss olunur və bu risklər münaqişədən zərər çəkmiş ərazilərdə daha da kəskin xarakter alır.

“Postmünaqişə ərazilərində yenidənqurma işləri iqlim riskləri, mina təhlükəsi və insanların təhlükəsiz qayıdışı kimi əlavə çağırışlarla müşayiət olunur”, – Elşad İskəndərov qeyd edib.

Səfir bildirib ki, dünyanın müxtəlif bölgələrində qaçqın düşərgələri də iqlim ekstremallarının təsirinə məruz qalır və bu, beynəlxalq ictimaiyyətin diqqətini tələb edir.

Onun sözlərinə görə, Bakı İqlim və Sülh Fəaliyyəti Mərkəzi münaqişədən zərər çəkmiş ölkələrin və icmaların səsinin beynəlxalq platformalarda eşidilməsinə xidmət edir.

Elşad İskəndərov qeyd edib ki, bu təşəbbüs belə ölkələrin iqlim maliyyəsinə çıxışını genişləndirməyə, şəhər inkişafı layihələri üçün investisiya cəlb etməyə və dayanıqlı icmaların qurulmasına dəstək verməyi hədəfləyir.

Oxşar xəbərlər

Xüsusi tapşırıqlar üzrə səfir: Bakı təşəbbüsü post-münaqişə ölkələrinin iqlim maliyyəsinə çıxışını genişləndirəcək

Elşad İskəndərov: Əsas hədəflərimizdən biri COP və qeyri-COP təşəbbüsləri arasında sinerjinin qurulmasıdır

Elşad İskəndərov: COP Bakı iqlim və sülh qovşağını birgə fəaliyyətləri təşviq etmək vasitəsi kimi təqdim edir

İqlimə həssas şəraitdə sülh və dayanıqlılığı gücləndirmək mövzusunda dəyirmi masa keçirilib

Anar Quliyev: WUF13-ə ev sahibliyi Azərbaycan üçün böyük şərəf və ciddi məsuliyyətdir