Bu gün Xırdalanda axşam saatlarında intihara cəhd hadisəsi olub.

FHN-dən Sizinxeber.az-ya verilən məlumata görə, bir nəfər vətəndaş Abşeron rayonu, Xırdalan şəhəri, Mehdi Hüseyinzadə küçəsində eyvana çıxaraq intihara cəhd edib.

Bunu görən vətəndaşlar Fövqəladə Hallar Nazirliyinin “112” qaynar telefon xəttinə məlumat veriblər.

Əraziyə dərhal FHN-in Xüsusi Riskli Xilasetmə Xidmətinin xilasediciləri cəlb olunub.

Xilasedicilər tərəfindən əməliyyat şəraiti qiymətləndirilərkən müəyyən olunub ki, 1980-cı il təvəllüdlü Eldəniz Babazadə onsəkkizmərtəbəli binanın 18-ci mərtəbəsində eyvana çıxaraq intihara cəhd edir.

Xilasedicilər tərəfindən intihara cəhd edən şəxslə ünsiyyət qurulub və davamlı psixoloji söhbət aparılıb. Bu müddət ərzində xilasedici qrup tərəfindən ərazidə xüsusi xilasetmə vasitələri, o cümlədən xilasetmə yastığı quraşdırılaraq müvafiq təhlükəsizlik tədbirləri görülüb.

Xilasedicilərin vətəndaşla apardığı psixoloji söhbət nəticəsində E.Babazadə intihar etmək niyyətindən çəkinib və o, xilas edilərək təcili tibbi yardım briqadasına təhvil verilib.

Oxşar xəbərlər

Xırdalanda intihara cəhdin qarşısı alınıb - VİDEO

Bakıda intihar hadisəsinin qarşısı alınıb - VİDEO

FHN: Nəsimi rayonunda 1 nəfər intihara cəhd edib

FHN xilasetmə əməliyyatı görüntüləri yayıb - VİDEO

Xırdalanda yaşayış binasında yanğın olub, sakinlər təxliyə olunub - VİDEO