Qusarda “N” saylı hərbi hissədə Dini Qurumlarla İş üzrə Dövlət Komitəsinin Quba-Xaçmaz regional bölməsinin təşkilatçılığı ilə “Radikal dini cərəyanlar və ifrat məzhəbçilik” mövzusunda maarifləndirmə tədbiri keçirilib.

“Report”un məlumatına görə, tədbirdə Dövlət Komitəsinin regional bölməsinin müdir müavini Elnur Ağasıyev, QMİ-nin Qusar rayonu üzrə səlahiyyətli nümayəndəsi Fəryaddin Rəhimxanov, eləcə də hərbçilər iştirak ediblər.

Çıxışlar zamanı dini radikalizm anlayışı, ifrat məzhəbçilik, dini radikalizmin, ekstremizmin yaranmasının səbəbləri və onun ağır fəsadları barədə məlumat verilib.

Bildirilib ki, ölkədə mövcud olan multikulturalizm və tolerantlıq xalqımızın min illərlə formalaşdırdığı mənəvi dəyərlər üzərində bərqərar olub və birliyimizdə, həmrəyliyimizdə, qarşılıqlı anlaşmada mühüm rol oynayır.

Oxşar xəbərlər

Şəki Tibb Kollecində dini maarifləndirmə tədbiri keçirilib

Azərbaycan Ordusunda dini radikalizmə qarşı mübarizəyə dair fəaliyyət planı müəyyənləşib

Dini ibadət yerlərində “Yaşıl gələcək naminə” aksiyası keçirilib

Dini Komitənin sədri Kambocaya səfər edəcək