Ali təhsil pilləsinin rezidentura səviyyəsinə qəbul olunan namizədlərin avqustun 21-də saat 11:00-da elektron qeydiyyat prosesinə start veriləcək.

"Report" xəbər verir ki, bu barədə Elm və Təhsil Nazirliyi məlumat yayıb.

Bildirilib ki, namizədlər https://portal.edu.az/ platformasında “Ali və orta ixtisas təhsili pilləsinə təhsilalan qeydiyyatı” xidmətini seçməklə müraciət edə bilərlər. Açılan səhifədə müvafiq qəbul xətti üzrə şəxsi və qəbul məlumatlarının təsdiq edilməsi, həmçinin tələb olunan sənədlərin əlavə edilməsi mümkündür.

Müvafiq xidmətdən istifadə etməklə qeydiyyatdan keçməyən və təhsil müəssisəsindən təsdiq almayan şəxslər qəbul olunanların siyahısından xaric ediləcəklər.

Elektron sistem üzrə qeydiyyat 28 avqust saat 18:00-da yekunlaşacaq.

Oxşar xəbərlər

Ali məktəblərə qəbul olunanların qeydiyyatının başlanacağı vaxt açıqlanıb

Rezidenturaya əlavə yerləşdirmə ilə qəbul olunanların qeydiyyatı başlayır