Ermənistan parlamentinin sədri Alen Simonyan deputat mandatından imtina edəcəyini, yeni qanunverici orqanın tərkibinə daxil olmayacağını bəyan edib.

"Sizinxeber.az" Ermənistan mediasına istinadən xəbər verir ki, bu barədə o brifinqdə bildirib.

"Mən spiker olaraq işimi davam etdirmək istəyirdim... Düşünürəm ki, beşillik işim davam etməli idi, açıqlamalarımda dəfələrlə bildirmişəm ki, administrasiya nə qərar verərsə, ona da əməl edəcəyəm. Baş nazirlə heç nəyi müzakirə etməmişəm, razılaşma yoxdur. İstər siyasətdə, istərsə də "Vətəndaş müqaviləsi" partiyası çərçivəsində, Nikol Paşinyan olmadan özümü siyasi proseslərdə görmürəm", - o bildirib.

Bununla yanaşı, Simonyan qeyd edib ki, inciməyib və hesab edir ki, iş prosesləri ilə bağlı dəyişikliklər ola bilir. Spiker bir qədər dincəlmək istədiyini də bildirib.

"Mənim üçün çətin bir iş dövrü idi. Unutmayın ki, bu, seçki sonrakı dövrün parlamenti idi və həmkarlarımızla birgə keçdiyimiz çətinliklər var idi", - o vurğulayıb.

Oxşar xəbərlər

Alen Simonyan: Azərbaycanla demarkasiya üzrə fikir ayrılıqları yoxdur, proses davam edir

Alen Simonyan Rusiyaya səfər edəcək

Alen Simonyan: Reqlamentin mövcudluğu Azərbaycan və Ermənistanın ən böyük qələbəsidir

Ruben Rubinyan Ermənistan parlamentinin spikeri postuna namizəd seçilib

Alen Simonyan: Sülh sazişi ətrafında proses dayandırılmayıb, müsbət dinamika var