"Azərbaycan 30 ildən artıq bir müddətdə işğal olunan ərazilərini azad edib. Qarabağ problemi beynəlxalq hüquq normaları çərçivəsində həll olunub".

Bunu XII Qlobal Bakı Forumunda iştirak edən Latviyanın keçmiş Prezidenti Egils Levits Sizinxeber.az-ya açıqlamasında bildirib.

"Hazırda biz Ukraynaya qarşı da aqressiya müşahidə edirik. Buna son qoyulmalıdır. Eyni yanaşma bu ölkədəki münaqişəyə nəzərən də tətbiq edilməli, problem beynəlxalq hüququn norma və prinsipləri əsasında həll olunmalıdır", - o qeyd edib.

Egils Levits ötən il keçirilən XI Bakı Qlobal Forumundan sonra dünyada vəziyyət tamamilə dəyişdiyinə diqqət çəkib.

Latviyanın keçmiş dövlət başçısının fikrincə, Bakı Qlobal Forumu dünyada beynəlxalq ictimai fikrin formalaşdırılmasında əsas rol oynayan plarformalardan biridir:

"Ona görə də hesab edirəm ki, belə bir mötəbər tədbirin Bakıda keçirilməsi Şimal, Cənub, Şərq və Qərb üçün böyük siyasi, coğrafi əhəmiyyət daşıyır. Bu forum hər il müxtəlif tarixi cəhətlərə malik dövlətləri və fərqli fikirləri olan insanları bir yerə toplayır. Onlar hazırkı vəziyyəti təhlil edir, çıxış yollarını axtarırlar".

Oxşar xəbərlər

Prezident İlham Əliyev: Qlobal Bakı Forumu aparıcı beynəlxalq platformalardan biridir

XI Qlobal Bakı Forumu başa çatıb

İlham Əliyev: Qlobal Bakı Forumu hazırda aparıcı beynəlxalq platformalardan biridir

Çavuşoğlu: Antalya Diplomatiya Forumu ilə Qlobal Bakı Forumu arasında əməkdaşlığa çalışırıq

İsmail Seragəldin: Qlobal Bakı Forumu hər zaman rasional arqumentlərin irəli sürülməsi ilə yadda qalıb