Bu gün Baş nazirinin müavini Samir Şərifov İspaniya Krallığının İqtisadiyyat, Ticarət və Biznes Nazirliyinin ticarət üzrə dövlət katibi Mariya Amparo Lopes Senovilya ilə görüşüb.

Bu barədə APA-ya Nazirlər Kabinetindən xəbər verilib.

Görüşdə iki ölkə arasında Strateji İqtisadi Dialoqun birinci iclasının Bakıda keçirilməsinin əhəmiyyəti vurğulanıb.

Həmçinin Azərbaycan-İspaniya Biznes Forumunun və Azərbaycanın İqtisadiyyat Nazirliyi ilə İspaniyanın İqtisadiyyat, Ticarət və Biznes Nazirliyi arasında “Strateji İqtisadi Əməkdaşlığa dair Anlaşma Memorandumu”nun imzalanmasının iqtisadi əlaqələrin gücləndirilməsinə təkan verəcəyinə ümidvarlıq ifadə olunub.

Samir Şərifov ötən ilin noyabrında COP29 çərçivəsində Azərbaycan Respublikasının Prezidenti İlham Əliyev ilə İspaniya Krallığı Hökumətinin Sədri Pedro Sançez arasında baş tutmuş görüşün ikitərəfli əlaqələrin genişləndirilməsi və yeni əməkdaşlıq sahələrinin müəyyənləşdirilməsi baxımından önəmini qeyd edib.

Oxşar xəbərlər

Azərbaycan və İspaniya arasında iqtisadi əlaqələrin inkişafı müzakirə edilib

Bakıda Azərbaycanla İspaniya arasında Strateji İqtisadi Dialoqun 1-ci iclası keçirilib

Azərbaycan-İspaniya biznes forumu çərçivəsində əməkdaşlığa dair saziş imzalanacaq

İspaniyanın ticarət üzrə dövlət katibi gələn həftə Azərbaycana səfər edəcək

İspaniya biznesi Azərbaycanla ticarət və investisiya əməkdaşlığının inkişafında maraqlıdır