Medianın İnkişafı Agentliyi Azərbaycan mediasının BMT-nin Ümumdünya Şəhərsalma Forumunun 13-cü sessiyasındakı (WUF13) fəaliyyətini yüksək qiymətləndirir.

"Sizinxeber.az" xəbər verir ki, bunu Medianın İnkişafı Agentliyi (MEDİA) İcraçı direktorun müavini Natiq Məmmədli WUF13 çərçivəsində jurnalistlərə açıqlamasında deyib.

Onun sözlərinə görə, mövzu müstəvisinin ən qaynar müzakirələrinin getdiyi məkanlardan biri də medianın cəmləşdiyi nyusrumlardır:

"Biz çox sevinirik ki, Azərbaycan mediası COP29-da yazdığı uğur hekayəsini WUF13-də bir daha təkrarlayır. Həm Azərbaycanın daxili auditoriyası, həm də beynəlxalq auditoriya üçün WUF13-lə bağlı vacib mesajların çatdırılmasında mediamız çox mötəbər mənbə funksiyasını çox layiqincə yerinə yetirdi".

N.Məmmədli qeyd edib ki, ümumiyyətlə, Azərbaycan mediası beynəlxalq tədbirlərin işıqlandırılmasında çox zəngin və unikal təcrübə əldə edib:

"Düşünürük ki, bu, gələcək fəaliyyətimizdə peşəkarlığın artırılmasına öz vacib töhfəsini verəcək. Bu gün biz nyusrumdakı qaynar fəaliyyəti görürük və Azərbaycan jurnalistlərinə belə peşəkar fəaliyyətlərinə görə öz təşəkkürümüzü bildiririk".

Oxşar xəbərlər

Əhməd İsmayılov: Dövlət-media-cəmiyyət vəhdəti istənilən qlobal çağırışın öhdəsindən gəlməyə imkan verir

WUF13 ilə bağlı media nümayəndələri üçün məlumatlandırma sessiyası keçirilib

İcraçı direktor: WUF13-də 1000-dən çox media nümayəndəsi qeydiyyatdan keçib

Hikmət Hacıyev: Azərbaycan WUF13 üçün ən uyğun məkanlardan biridir

Səidə Şəfiyeva: WUF13-ə hazırlıq mərhələsində media ilə belə intensiv işin aparılması strateji yanaşmadır