Beynəlxalq maliyyə qrupu ING yenilənmiş proqnozunda Azərbaycanın dövlət büdcəsinin profisitinin 2026-cı ildə ÜDM-in 5 %-ni, cari əməliyyatlar hesabının profisitinin isə ÜDM-in 11 %-ni təşkil edəcəyini gözləyir.

Bu barədə "Report" ING-nin hesabatına istinadən xəbər verir.

"Biz yenilənmiş qlobal proqnozumuza Azərbaycanın xarici və büdcə ehtiyatlarının gücləndirilməsi üçün birbaşa stimul kimi baxırıq: 2026-cı ildə büdcə profisitinin ÜDM-in 5 %-nə çatacağı, cari hesab saldosunun isə ÜDM-in 11 %-ni təşkil edəcəyi gözlənilir", - şirkətin mütəxəssisləri vurğulayıblar.

Ekspertlərin fikrincə, Azərbaycan dünya enerji daşıyıcıları qiymətlərinin artmasından əsas faydalanan tərəf olaraq qalmağa davam edir.

"Hazırda yanacaqdan əldə edilən daha yüksək gəlirlər və daha geniş enerji diplomatiyası əsas amillər olaraq qalır", - hesabatda qeyd olunub.

ING analitikləri həmçinin bildiriblər ki, son məlumatlar ticarət dəhlizlərinin inkişafı kursunun dəyişməz qaldığını göstərir:

"Azəri-Çıraq-Günəşli yatağına beynəlxalq investisiyalara baxılır, Abşeron yatağından Türkiyəyə qaz tədarükü barədə 15 illik saziş imzalanıb, Bakı-Supsa marşrutu isə Qazaxıstan üçün alternativ ixrac kanalı kimi nəzərdən keçirilir".

Bununla yanaşı, ING izlənilməsi vacib olan risklərə də diqqət yetirir: ticarət tərəfdaşlarındakı istehlak qiymətləri indeksinin təsirlərinə nisbətən yüksək həssaslıq və iqtisadi artım tempinin yavaşlaması.

Oxşar xəbərlər

IMF 2028-ci ilədək Azərbaycanın cari əməliyyatlar hesabının profisitinin qorunacağını proqnozlaşdırır

ING: Azərbaycan neftin bahalaşmasından faydalanan əsas MDB ölkəsidir

ADB Azərbaycanın tədiyyə balansı üzrə 2026–2027-ci illər üçün proqnozlarını açıqlayıb

IMF Azərbaycanın 2026-cı il üçün cari əməliyyatlar hesabının profisiti üzrə proqnozu yeniləyib

ING-dən ən yüksək proqnoz: Bu il Azərbaycanda CƏB-in profisiti 11%-ə çatacaq