Bakıda keçirilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası çərçivəsində bərpa olunan enerji ilə bağlı daha konkret mesajlar verilməlidir.

"Sizinxeber.az" xəbər verir ki, bunu Almaniya Xarici İşlər Nazirliyinin Beynəlxalq İqlim Fəaliyyəti üzrə dövlət katibi və xüsusi nümayəndəsi Cennifer Li Morqan (Jennifer Lee Morgan) BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası çərçivəsində keçirilən "Nazirlər səviyyəsində dialoq: Bərpa olunan enerjidən istifadənin üç dəfə və enerji səmərəliliyinin iki dəfə artırılması üçün investisiyaların genişləndirilməsi" adlı tədbirdə deyib.

O bildirib ki, verilən mesajlarda bərpa olunan enerji ilə bağlı təcrübələrin davam etdirilməsi ilə yanaşı, həm də onlara keçidin sürətləndirilməsi məsələsinə toxunulmalıdır: "Enerji toplanma anbarları və enerji şəbəkələri ilə bağlı infrastruktur təkmilləşdirilməlidir. "Yaşıl enerji" sahəsində çalışan işçi qüvvəsinə diqqət ayrılmalı və bacarıqları artırılmalıdır. Verilən mesajlarda enerji sektorunun karbonsuzlaşdırılması, 1,5°C temperatur hədəfinə çatmaq üçün kömürdən imtina da yer almalıdır".

Oxşar xəbərlər

Fatih Birol: "Enerji səmərəliliyinin 2 dəfə artırılması ilə bağlı məyusluq yaşayırıq"

Abdulla Balalaa: “BƏƏ enerji istehlakında səmərəliliyi 45 %-ə qədər artıracaq”

IEA rəhbəri: "Enerji səmərəliliyi standartlarına yenidən baxılmalıdır"

Peter Sztaray: "Yaşıl Enerji Dəhlizi" COP29-un əsas məqsədlərini dəstəkləyir”

Fatih Birol: Bu il də enerji səmərəliliyinin iki dəfə artırılması mümkün görünmür