2026-cı il dünya çempionatında J qrupunun II turunun oyunları keçirilir.

Apasport.az xəbər verir ki, turun mərkəzi görüşündə Argentina millisi Avstriya ilə qarşılaşıb.

Matç Bakı vaxtı ilə saat 21:00-da başlayıb.

Oyunun 9-cu dəqiqəsində hakim Avstriyanın qapısına 11 metrlik cərimə zərbəsi təyin edib. Topun arxasına keçən Lionel Messi penaltidən dəqiq yararlana bilməyib. Buna baxmayaraq ulduz futbolçu ilk hissənin sonlarında fərqlənib. Messi 40-cı dəqiqədə hesabı 1:0 edən qolu vurub.

Cənubi amerikalılar 90+5-ci dəqiqədə daha bir qol vurub. Səhnəyə yenə Leo Messi çıxıb.

Görüş bu hesabla başa çatıb: 2:0

İlk turda Əlcəzairi 3:0 məğlub edən Argentina xallarının sayını 6-ya çatdırıb. Daha əvvəl İordaniyanı 3:1 hesabı ilə üstələyən Avstriya isə bu nəticədən sonra 3 xalda qalıb.

Qeyd edək ki, J qrupunun digər oyununda İordaniya Əlcəzairlə üz-üzə gələcək.

Dünya çempionatı
J qrupu, II tur
22 iyun
21:00. Argentina – Avstriya 2:0

Qol: L. Messi, 40, 90+5

Uğursuz penalti: L. Messi, 9

Oxşar xəbərlər

Messi dünya çempionatlarının bombardiri adını ələ keçirib

Lionel Messi yığmaya çağırılmayıb

Lionel Messi Argentina - Avstriya matçının ən yaxşı oyunçusu olub

DÇ-2026: Messi dubl edib, Argentina Avstriya üzərində qələbə qazanıb - YENİLƏNİB-5

DÇ-2026: Argentina - Avstriya matçında ikinci hissə başlayıb - YENİLƏNİR-4