Kondinsionerlər elektrik istehlakında artımın əsas səbəblərindəndir, bunun üçün enerji səmərəliliyi standartlarına yenidən baxılmalıdır.

"Sizinxeber.az" xəbər verir ki, bunu Beynəlxalq Enerji Agentliyinin (IEA) rəhbəri Fatih Birol BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası çərçivəsində keçirilən "Nazirlər səviyyəsində dialoq: Bərpa olunan enerjidən istifadənin üç dəfə və enerji səmərəliliyinin iki dəfə artırılması üçün investisiyaların genişləndirilməsi" adlı tədbirdə deyib.

O bildirib ki, ABŞ və Yaponiyada bu gün ev təsərrüfatlarının 90 %-də kondisioner var: "Bu nisbət Nigeriyada 5 %, İndoneziyada 15 %, Hindistanda 20 % təşkil edir. Artan gəlir səviyyəsi və iqlim dəyişikliyinin təsiri səbəbindən insanlar kondisionerlər alırlar. Məsələn, İndoneziya və ya Afrikada kondisionerdən istifadə üçün Yaponiyadakından üç dəfə çox elektrik enerjisi tələb olunur. Kondisioner üçün enerji səmərəliliyi standartlarımız olmasa, bu, enerji və pul itkisi olacaq. Bu səbəbdən enerji səmərəliliyi standartlarına yenidən baxmalıyıq".

Oxşar xəbərlər

Fatih Birol: "Enerji səmərəliliyinin 2 dəfə artırılması ilə bağlı məyusluq yaşayırıq"

Abdulla Balalaa: “BƏƏ enerji istehlakında səmərəliliyi 45 %-ə qədər artıracaq”

Fatih Birol: "III yüksək səviyyəli dialoq çərçivəsində IEA-nın məlumatları müzakirə ediləcək"

Levan Davitaşvili: “Qara dəniz sualtı kabeli layihəsinin texniki-iqtisadi əsaslandırması hazırdır”

Aİ komissarı alternativ enerji məqsədlərinə birgə nail olmaq üçün hədəfləri açıqlayıb