Ukraynanın Hərbi Hava Qüvvələri (HHQ) Xmelnitski vilayətində aviaqəza faktını təsdiqləyib.

"Report" xəbər verir ki, bu barədə HHQ-nin "Telegram" kanalında bəyanat yayılıb.

"İyunun 16-sı saat 19:00 radələrində Ukrayna Silahlı Qüvvələri HHQ-nin Pyotr Franko adına 7-ci taktiki aviasiya briqadasının Su-24M cəbhə bombardmançı təyyarəsi qəzaya uğrayıb. Su-24M-in ekipajı - pilot və şturman Xmelnitski vilayətində tapşırığı yerinə yetirirdi. Təəssüf ki, hər iki pilot - mayor Boqdan Zaqurlyuk və baş leytenant Boqdan Babenko - həlak olub", - bəyanatda vurğulanıb.

Qeyd olunub ki, təyyarənin düşdüyü yerdə xilasedicilər və hüquq-mühafizə orqanlarının əməkdaşları fəaliyyət göstərir. İlkin məlumata görə, mülki əhali arasında xəsarət alan yoxdur.

Qəzanın səbəbləri araşdırılır.

21:30

Ukraynanın Xmelnitski vilayətində hərbi təyyarə qəzaya uğrayıb.

"Report" Ukrayna mediasına istinadən xəbər verir ki, onun "MiQ-29" qırıcı təyyarəsi olduğu ehtimal edilir.

Qeyd olunub ki, təyyarənin qalıqları Moskalyovka kəndi yaxınlığında aşkar edilib.

Digər təfərrüatlar hələlik açıqlanmayıb.

Oxşar xəbərlər

Xmelnitski vilayətində Ukraynanın "MiQ-29" qırıcı təyyarəsi qəzaya uğrayıb

İrkutskda bombardmançı təyyarə qəzaya uğrayıb

Xmelnitskidə Ukrayna ordusuna aid hərbi təyyarə qəzaya uğrayıb

Ukraynada MiQ-29 qırıcısı qəzaya uğrayıb, pilot ölüb

İranda hərbi təyyarə qəzaya uğrayıb