Azərbaycan Dövlət Neft Şirkəti (SOCAR) ölkə ərazisində karbonun basdırılması üçün mümkün sahələri araşdırır.

"Sizinxeber.az" xəbər verir ki, bunu "SOCAR Green" MMC-nin Texnologiyalar və innovasiyalar departamentinin direktoru Elçin Tarquliyev Bakıda 31-ci Beynəlxalq Xəzər Neft və Qaz Sərgisi çərçivəsində keçirilən panel müzakirəsində bildirib.

"Gələcəkdə biz karbonun tutulması və saxlanması (CCS) texnologiyalarını qaçılmaz olaraq mənimsəməli olacağıq. SOCAR-ın qarşısına xalis 0 emissiya səviyyəsinə çatmaq vəzifəsini qoyduğunu nəzərə alsaq, bu göstəriciyə nail olmaq üçün istənilən neft-qaz şirkətinə, bütövlükdə əsas fəaliyyəti emissiyalarla əlaqəli olan istənilən müəssisəyə CCS və yaxud hətta CCUS (karbonun tutulması, istifadəsi və saxlanması) texnologiyalarını tətbiq etmək lazım gələcək.

Artıq bu gün konkret layihələrin olmamasına baxmayaraq, biz bu texnologiyanı ətraflı öyrənirik. Bu sahədəki ən yeni nailiyyətləri izləyirik. Bundan əlavə, biz Azərbaycanda karbonun basdırılması üçün potensial lokasiyaları təhlil edirik ki, əlçatan texnologiya meydana çıxanda onun iqtisadi cəhətdən getdikcə daha əlverişli olacağı ana tam hazır olaq", - departament direktoru vurğulayıb.

Oxşar xəbərlər

SOCAR Qarabağ və Şərqi Zəngəzurda görüləcək işləri açıqlayıb

“SOCAR Green” Azərbaycanda ən böyük IPP olmaq istəyir

Rövşən Nəcəf: “SOCAR dayanıqlı gələcək üçün kurs müəyyən edib”

SOCAR emissiyaların azaldılmasının əlavə yollarını araşdırır

 “SOCAR Green” əsas hədəflərindən birini açıqlayıb