Sahib Məmmədov: “Vətəndaşların həyat səviyyəsinin yaxşılaşdırılmasında sahibkarların əməyi var”

Azərbaycanda vətəndaşların həyat səviyyəsinin yaxşılaşdırılmasında sahibkarların gərgin əməyi var.

"Report" xəbər verir ki, bunu Azərbaycan Həmkarlar İttifaqları Konfederasiyasının sədri Sahib Məmmədov Bakıda "Sahibkarlar Günü"nə və "Konstitusiya və Suverenlik İli"nə həsr olunmuş "Konstitusiya və suverenlik - Azərbaycanda sahibkarlığın inkişafı" mövzusunda keçirilən konfransda bildirib.

Onun sözlərinə görə, bu gün əsas hədəf vətəndaşların həyat səviyyəsinin yaxşılaşdırılmasıdır: “Bu istiqamətdə geniş miqyaslı işlər həyata keçirilir. Xüsusilə bu işdə sahibkarlarımızın gərgin əməyi var”.