Dövlət Xidməti: "Kontakt Home" keyfiyyətsiz malın dəyişdirilməsindən və qaytarılmasından imtina edib

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti “İstehlakçıların hüquqlarının müdafiəsi haqqında” qanuna əsasən “ABC-Telecom” MMC (“Kontakt Home” əmtəə nişanı altında fəaliyyət göstərir) barəsində inzibati xəta protokolu tərtib edib.

Bu barədə "Sizinxeber.az" Dövlət Xidmətinə istinadən xəbər verir.

Bildirilib ki, şirkət tərəfindən keyfiyyətsiz (müqavilə şərtlərinə uyğun olmayan) mal satılıb və malın dəyişdirilməsi və ya geri qaytarılmasından imtina edilib.