Bu ilin yanvar-oktyabr aylarında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə daxil olan vətəndaş müraciətlərinin araşdırılması nəticəsində təqdim olunmuş sübutlar əsasında 40 fiziki və hüquqi şəxs barəsində inzibati xəta haqqında protokollar tərtib olunaraq müvafiq qanuni tədbirlər görülüb.

“Report” xəbər verir ki, bu barədə Dövlət Xidmətinin rəisi Məmməd Abbasbəyli "X" sosial şəbəkəsindəki hesabında bildirib.

Onun sözlərinə görə, tərtib edilmiş protokolların sayı 2023-cü ilin müvafiq dövrü ilə müqayisədə 42 % azalıb.

“İstehlakçı məmnuniyyətinin təmin edilməsi istiqamətində sahibkarların səylərinin artırılması sahibkar-istehlakçı münasibətlərində qarşılıqlı etimadın gücləndirilməsinə xidmət edir. Dövlət Xidməti tərəfindən həyata keçirilən intensiv maarifləndirmə tədbirləri də bu prosesə mühüm töhfə verir”, - deyə M. Abbasbəyli vurğulayıb.

Oxşar xəbərlər

Azərbaycanda tipi təsdiq edilmiş ölçmə vasitələrinin sayı 10 % artıb

Azərbaycanda reklam qanunvericiliyinin pozulması ilə bağlı baxılmış müraciətlərin sayı 52 % artıb

Dövlət Xidmətində 7 ayda 4 500-dən çox istehlakçının müraciətinə baxılıb

Azərbaycanda elektron satınalmaların ümumi dəyəri 3 dəfəyə yaxın artıb

Dövlət Xidməti: Sahibkarların istehlakçılara qaytardığı vəsaitlər 9 % artıb