Azərbaycan Ticarət Evi hər il Belarusa təxminən 1 milyon ABŞ dolları məbləğində mal tədarük edir.

“Sizinxeber.az” BELTA-ya istinadən xəbər verir ki, bu barədə jurnalistlərə “Azərbaycan Ticarət Evi” MMC-nin təsisçisi Vasif İsmayılov məlumat verib.

Onun sözlərinə görə, Ticarət Evi 2017-ci ildə açılıb və Belarus bazarını uğurla mənimsəyir. O əlavə edib ki, Ticarət Evi pərakəndə satışla məşğul olmaqdan daha çox Belarusun ticarət şəbəkələri ilə mağazalara məhsul tədarükü haqqında müqavilələr imzalayır.

“Demək olar ki, Belarusun bütün mağazalarında Azərbaycan malları var. Hər il Belarusa 1 milyon ABŞ dollarına yaxın məbləğdə mal gətirilir”, – o bildirib.

Təsisçinin sözlərinə görə, belaruslular nar şərabını çox bəyəniblər, lakin məhsulların siyahısı genişlənir.

Belarusun Baş naziri Roman Qolovçenko Azərbaycanın Baş naziri Əli Əsədovun başçılıq etdiyi nümayəndə heyəti ilə birlikdə sahəsi 540 kv.m olan Ticarət Evinin ekspozisiyası ilə tanış olub. Burada Azərbaycanın 20-dən çox müəssisəsinin məhsulları nümayiş etdirilir. Çeşidlərə şərab, konyak, brendi, çay, şirə, konserv, kabel məhsulları, xalça, ipək, tekstil və kosmetika daxildir.

Oxşar xəbərlər

Çijikov: “Azərbaycanın Ukrayna ilə illik ticarət dövriyyəsinin dəyəri 500 milyon dolları ötə bilər”

Azərbaycan və Latviya arasında investisiyaların həcmi açıqlanıb

Bakıda ticarət dövriyyəsi 5 %-ə yaxın artıb

Azərbaycan ABŞ-yə məhsul ixracını 32 dəfəyə yaxın artırıb

Azərbaycanın xarici ticarət dövriyyəsində müsbət saldo 2 dəfədən çox azalıb