Azərbaycanda ilk dəfə olaraq torpaq konsolidasiyası tədbirləri həyata keçiriləcək.

"APA-Economics" xəbər verir ki, bunu mətbuat konfransında kənd təsərrüfatı nazirinin müavini Zaur Əliyev deyib.

Onun sözlərinə görə, Dövlət Proqramında torpaq sahələrinin parçalanmasının aradan qaldırılması və daha səmərəli istifadəsinin təmin olunması məqsədilə torpaq konsolidasiyası nəzərdə tutulub.

Nazir müavini bildirib ki, layihə çərçivəsində ayrı-ayrı və parçalanmış torpaq sahələrinin daha səmərəli idarə olunması üçün onların birləşdirilməsi və vahid təsərrüfat sahələrinin formalaşdırılması planlaşdırılır.

Zaur Əliyev qeyd edib ki, proqramın ilkin mərhələsində bu tədbirlər 20 min hektar ərazini əhatə edəcək.

Onun sözlərinə görə, torpaq konsolidasiyası ilə paralel olaraq həmin ərazilərdə təsərrüfatdaxili suvarma şəbəkələri yenilənəcək, torpaq sahələrinin yollara və suvarma infrastrukturuna çıxışı təmin ediləcək.

Nazir müavini əlavə edib ki, layihənin icrasında beynəlxalq təşkilatların da iştirakı nəzərdə tutulur və qabaqcıl beynəlxalq təcrübədən istifadə olunacaq.

Oxşar xəbərlər

Zaur Əliyev: Aqrar və qida məhsulları ixracının 2030-cu ilədək 2 mlrd. dollara çatdırılması hədəflənir

Nazir müavini: Yeni dövlət proqramı aqrar dəyər zəncirinin bütün mərhələlərini əhatə edir

Baş nazir hökumət qarşısındakı 3 çağırışı açıqlayıb

KTN: Azad edilmiş ərazilərdə əhaliyə təklif ediləcək torpaq ehtiyatı elə də çox deyil

Prezidentin xüsusi nümayəndəsi: Azad edilmiş ərazilərdə torpaq islahatı ilə bağlı xüsusi işçi qrupu yaradılıb