Daşkənd şəhərində işgüzar səfərdə olan Azərbaycanın Baş naziri Əli Əsədov Özbəkistan Prezidenti Şavkat Mirziyoyevlə görüşüb.

"Report" xəbər verir ki, bu barədə Nazirlər Kabineti məlumat yayıb.

Ə.Əsədov Azərbaycan Prezidenti İlham Əliyevin salamlarını Özbəkistanın dövlət başçısına çatdırıb.

Şavkat Mirziyoyev Prezident İlham Əliyevin salamlarına görə minnətdarlığını bildirib, onun da salamlarını Azərbaycanın dövlət başçısına çatdırmağı xahiş edib.

Görüşdə Azərbaycan-Özbəkistan münasibətlərinin strateji tərəfdaşlıq və müttəfiqlik əsasında uğurla inkişaf etdiyi məmnunluqla qeyd olunub.

Ticarət-iqtisadi, investisiya, nəqliyyat-logistika, enerji, humanitar və digər sahələrdə qarşılıqlı faydalı əməkdaşlığın genişləndirilməsi perspektivləri geniş müzakirə edilib.

Oxşar xəbərlər

Azərbaycanın Baş naziri Daşkənddə Özbəkistan Prezidenti ilə görüşüb

Türkmənistan Prezidenti Azərbaycanın Baş nazirini qəbul edib

Əli Əsədov Özbəkistan Prezidenti ilə görüşüb

Azərbaycan və Gürcüstan strateji tərəfdaşlığı müzakirə edilib

Özbəkistanla Azərbaycan arasında strateji tərəfdaşlıq münasibətlərinin möhkəmləndirilməsi müzakirə edilib