Özbəkistan Prezidenti Şavkat Mirziyoyev Azərbaycan Milli Məclisinin sədri Sahibə Qafarova ilə görüşüb.

Bu barədə “Sizinxeber.az” Özbəkistan liderinin mətbuat xidmətinə istinadən xəbər verir.

S.Qafarova Özbəkistan liderinə Prezident İlham Əliyevin salamlarını və xoş arzularını çatdırıb.

Görüşdə Özbəkistan-Azərbaycan dostluq, strateji tərəfdaşlıq və müttəfiqlik münasibətlərinin daha da genişləndirilməsi və möhkəmləndirilməsinin aktual məsələləri müzakirə edilib. İqtisadi Əməkdaşlıq İli çərçivəsində birgə həyata keçirilən səmərəli iş qeyd olunub. Bildirilib ki, ticarət dövriyyəsinin həcmi artır, iqtisadiyyatın müxtəlif sahələrində əməkdaşlıq layihələri aktiv fazadadır.

Bundan əlavə, mütəmadi olaraq mədəni-humanitar tədbirlər keçirilir.

Tərəflər razılaşmaların icrasına nəzarət və yüksək səviyyəli gələcək sammitlər üçün yeni təkliflərin hazırlanması məqsədilə parlamentlər xətti ilə sıx qarşılıqlı fəaliyyətin və aktiv mübadilələrin davam etdirilməsinin vacibliyini vurğulayıblar.

Oxşar xəbərlər

Özbəkistan və Macarıstan liderləri iki ölkə arasında strateji tərəfdaşlığı müzakirə ediblər

Özbəkistan və Qazaxıstan 4 milyard dollarlıq birgə investisiya layihələri portfeli formalaşdırıb

Özbəkistan və Türkmənistan Prezidentləri ikitərəfli əlaqələrin möhkəmləndirilməsini müzakirə ediblər

Sahibə Qafarova Özbəkistan Ali Məclis Senatının sədri ilə görüşüb

Qafarova və Kobaxidze Bakı və Tbilisi arasında strateji tərəfdaşlığı müzakirə edib