Azərbaycan özünü enerji təchizatçısı, böyük data mərkəzi şirkətlərinin ev sahibi kimi mövqeləndirə bilər.

"Sizinxeber.az" xəbər verir ki, bunu İqtisadiyyat Nazirliyi yanında IV Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov "Dayanıqlılıq və enerji transformasiyası" mövzusunda Bakıda keçirilən "Technovation" Forumunda bildirib.

O bildirib ki, ölkə bununla süni intellekt infrastrukturunda sadəcə istifadəçi deyil, strateji oyunçuya çevrilə bilər: "Hazırda iqtisadiyyatlar yalnız ümumi daxili məhsulla deyil, həm də ümumi data məhsulları ilə ölçülür. Daha çox dataya və əlaqəliliyə malik olan ölkələr bazarda güclü hesab olunur. Süni intellekt iqtisadiyyatının 2040-cı ilə qədər qlobal iqtisadiyyata təqribən 22 trilyon ABŞ dolları töhfə verəcəyi proqnozlaşdırılır. 2025-ci ildə qlobal süni intellekt iqtisadiyyatının dəyəri 260 milyard ABŞ dolları olaraq qiymətləndirilib. Bu artıq sadəcə bir sektor deyil; bu, əhəmiyyətli bir iqtisadiyyatdır".

F.Cəfərov qeyd edib ki, ölkə olaraq enerjini digər sektorlar üçün əsas diversifikasiya vasitəsi kimi görülür: "Buna əsaslanaraq, Azərbaycan son üç il ərzində 2026-dan 2029-a qədər dövrü əhatə edən hərtərəfli rəqəmsal iqtisadiyyat strategiyası hazırlayıb. Biz rəqəmsal transformasiya proqramı vasitəsilə 300-dən çox Azərbaycan şirkətini və KOB-ları (kiçik və orta biznes) dəstəkləməyi planlaşdırırıq. Hər kəs süni intellekt tətbiq etmək istəsə də, harada və necə başlamaq barədə aydın yol xəritəsinə ehtiyacları var. Rəqəmsal transformasiya yalnız texnologiyanın tətbiqini deyil, həm də biznes proseslərinin, düşüncə tərzinin dəyişdirilməsini, istedadlara və infrastruktura investisiya qoyulmasını əhatə edir. Bu, geniş bir yol xəritəsidir".

Oxşar xəbərlər

Fariz Cəfərov: “Qlobal süni intellekt bazarı 2026-cı ilə qədər 500 milyard dollara çatacaq”

Fariz Cəfərov: "Hər bir dövlətin süni intellekt strategiyası olmalıdır"

Fariz Cəfərov: "Süni intellektin tətbiqinin genişlənməsi yeni ixtisasların yaranmasına səbəb olacaq"

İcraçı direktor: Bu il qlobal süni intellekt bazarı 5 mlrd. dollara çatacaq

Elnur Əliyev: "Azərbaycan 2040-cı ilədək süni intellekt sektorunda 40 milyard dollarlıq əlavə dəyər yaratmağı hədəfləyir"