Milyonlarla gənc və uşaq adekvat mənzil çatışmazlığından əziyyət çəkir, qeyri-rəsmi məskunlaşma ərazilərində yaşayır və iqlim dəyişikliklərinin təsirlərinə məruz qalır.

APA xəbər verir ki, bunu WUF13 çərçivəsində “Uşaqlar və gənclər” mövzusunda keçirilən dəyirmi masa zamanı BMT-nin Gənclərlə iş üzrə Baş katibi Felipe Paullier videomüraciətdə deyib.

O qeyd edib ki, iqlim dəyişiklikləri artıq təkcə potensial təhdid deyil, biz bunu real şəkildə görürük və bu, icmalarımıza təsir göstərir.

“Dünyanın hər yerində müxtəlif gənclər bu fəsadları müşahidə edir, bir araya gəlir, öz icmalarını qorumağa çalışır və yaradıcı, innovativ həllər təklif edirlər. Lakin real güc qərarlardan, güclü institutlardan və düzgün idarəetmədən gəlir.

Sonda vurğulayıram ki, birlikdə elə şəhərlər qurmalıyıq ki, təkcə yaşanılabilən deyil, həm də gənclərə və hamımıza aid olan şəhərlər olsun”,-deyə o vurğulayıb.

Oxşar xəbərlər

Mayra Mendoza: Latın Amerikasında şəhər əhalisinin 30%-dən çoxu qeyri-qənaətbəxş mənzil şəraitində yaşayır

COP29 sədrliyi uşaqları və gəncləri bu ilin iqlim siyasətində ön plana çəkmək öhdəliyini götürüb

Qlobal səfir: İqlim dəyişikliyinin təsirlərinə qarşı QHT-lər bir araya gəlməlidir

İqlimə həssas şəraitdə sülh və dayanıqlılığı gücləndirmək mövzusunda dəyirmi masa keçirilib

COP29-da uşaqlar, gənclər və iqlim fəaliyyəti üzrə yüksək səviyyəli dəyirmi masa keçirilib - FOTO