Qloballaşma ada dövlətlərində mənzil böhranını dərinləşdirir.

“Sizinxeber.az-Economics” xəbər verir ki, bunu WUF13 çərçivəsində keçirilən “Kiçik Ada İnkişaf Etməkdə Olan Dövlətlərdə inklüziv şəhər dayanıqlılığı, mavi iqtisadiyyat və davamlı turizm” mövzusunda xüsusi sessiyada Balear Adaları Universitetinin professoru Xesus Manuel Qonsales Peres deyib.

Professor bildirib ki, turizmdən yüksək asılı olan ada əraziləri sosial baxımdan həssas, ekoloji baxımdan kövrək və iqtisadi baxımdan cəlbedici məkanlara çevrilir. Onun sözlərinə görə, turizm, daşınmaz əmlak bazarı və şəhərsalma prosesləri bir-biri ilə sıx bağlıdır və qloballaşmanın təsirləri ilk növbədə yerli əhalinin mənzilə çıxışında özünü göstərir.

Xesus Manuel Qonsales Peres qeyd edib ki, turizmin sürətli inkişafı şəhərlərdə gentrifikasiyanı gücləndirir, qeyri-rəsmi yaşayış məntəqələrinin yaranmasına səbəb olur və mənzil əlçatanlığını azaldır.

Professor vurğulayıb ki, yerli əhali üçün mənzilə çıxışın qorunması ada dövlətlərinin qarşısında duran əsas çağırışlardan biridir.

Oxşar xəbərlər

ADB: Turist axınının yönləndirilməsi yeni yaşayış məntəqələri yarada bilər

Professor: Mənzil böhranını dərinləşdirən əsas amillərdən biri ailə strukturlarının dəyişməsidir

Nazir: Sakit Okean adaları iqlim riskləri ilə üz-üzədir

WUF14 2028-ci ildə Mexikoda keçiriləcək

Maldiv adaları iqlim dəyişikliyinə uyğunlaşmaq üçün təcili beynəlxalq yardım istəyir