Türkiyənin İstanbul şəhərində Rusiya və Ukrayna nümayəndə heyətləri arasında birbaşa danışıqlar əvvəlcədən gözləniləndən daha müsbət nəticə verdi.

"Report"un xəbərinə görə, bu barədə CNN Türkiyə rəsmisinə istinadən məlumat yayıb.

"Tədbir gözlənildiyindən də müsbət oldu. Tərəflər ittiham tonuna əl atmadılar. Danışıqların dalanda dirənəcəyi görünəndə biz hərbi əsirlərin mübadiləsini təklif etdik. Ukrayna tərəfi proses zamanı bunun üçün Kiyevdən icazə istəyib", - telekanalın həmsöhbəti qeyd edib.

O əlavə edib ki, Rusiya tərəfi danışıqlar zamanı Ukrayna tərəfindən daha az məsləhətləşməli olub.

Qeyd edək ki, daha əvvəl İstanbulda Rusiya-Ukrayna danışıqları baş tutub. Görüşün nəticələrinə əsasən Moskva və Kiyev “1000-ə 1000” formuluna əsasən əsirləri dəyişdirmək, mümkün gələcək atəşkəs barədə mövqelərini təqdim etmək, onu ətraflı şəkildə şərh etmək və danışıqlar prosesinin davam olunması barədə razılığa gəliblər.

Oxşar xəbərlər

Slutski: Rusiya - Ukrayna danışıqlarının növbəti raundu atəşkəsə həsr olunacaq

Ukrayna Zelenski və Putin arasında birbaşa danışıqlar təklifi ilə çıxış edib

İstanbulda Rusiya-Ukrayna danışıqları başa çatıb

BMT İstanbulda Rusiya - Ukrayna danışıqlarında iştirak etməyib

İstanbulda Rusiya-Ukrayna danışıqları mayın 16-da başlayacaq