ABŞ Prezidenti Donald Tramp Fransa Prezidenti Emmanuel Makronun Versal sarayında təşkil etdiyi şam yeməyindən sonra ABŞ-İran sazişinin nüsxəsini imzalayıb.

Bu barədə CNN məlumat yayıb.

Məlumata görə, Tramp jurnalistlərə “Sənəd imzalanıb” deyib. Daha sonra ABŞ tərəfi imzalanmış sənədin fotosunu İran rəsmilərinə göndərib.

Bununla yanaşı, "NewsNation" telekanalının məlumatına görə, memorandum İran Prezidenti Məsud Pezeşkian tərəfindən də imzalanıb.

Məlumata əsasən, sənədin ilkin variantı bazar günü elektron formada ABŞ-ın vitse-prezidenti Cey Di Vens və İran parlamentinin sədri Məhəmməd Baqir Qalibaf tərəfindən imzalanıb.

“Bazar günü qarşılıqlı anlaşma memorandumu elektron qaydada vitse-prezident Cey Di Vens və parlament sədri Məhəmməd Bager Qalibaf tərəfindən imzalanmışdı. İndi isə sənədi Prezident Tramp və Prezident Pezeşkian imzalayıblar”, – deyə telekanalın məlumatında bildirilir.

"Tasnim" agentliyi İran Xarici İşlər Nazirliyinin rəsmi nümayəndəsi İsmayıl Bəqaiyə istinadən məlumat yayıb ki, ABŞ və İran arasında qarşılıqlı anlaşma memorandumu elektron qaydada imzalanıb və sənədin İsveçrədə ayrıca imzalanma mərasimi nəzərdə tutulmur.

Oxşar xəbərlər

KİV: ABŞ-İran anlaşma memorandumunu Tramp, Vens və Qalibaf imzalayıblar

ABŞ-İran memorandumunu Tramp, Vens və Qalibaf imzalayıblar

ABŞ ilə İran arasında razılaşmanı Tramp, Vens və Qalibaf imzalayıblar

Tramp ABŞ və İran arasında memorandum imzalandığını elan edib

Pezeşkian və Tramp anlaşma memorandumunu imzalayıb