Bakıda Argentinanın Milli Gününə həsr olunmuş “Te Deum” mərasimi keçirilib.

Sizinxeber.az xəbər verir ki, “Müqəddəs Bakirə Məryəmin Məsum Hamiləliyi” Katolik Kilsəsində təşkil olunan tədbirdə diplomatlar, Bakıda yaşayan xristian icmasının nümayəndələri və media təmsilçiləri iştirak ediblər.

Argentinanın Azərbaycandakı səfiri Marianxeles Belluşi bildirib ki, Milli Gün münasibətilə oxunan “Te Deum” duasında Argentinanın rifahı, Azərbaycan–Argentina əlaqələrinin inkişafı və Argentinanın Dünya Kubokunda qələbələri üçün dua edilib.

Duadan sonra Bibliyadan parçalar oxunub, günahların bağışlanması üçün dualar edilib.

Qeyd edək ki, Argentinada hər il mayın 25-də 1810-cu il May İnqilabının və ilk milli hökumətin yaradılmasının ildönümü münasibətilə kilsələrdə “Te Deum” mərasimləri keçirilir. Adətən bu mərasimlərdə prezident, nazirlər, hərbi rəsmilər və müxtəlif dini icmaların nümayəndələri iştirak edirlər. Mərasim Tanrıya şükür etmək, eyni zamanda ölkənin birliyi və rifahı üçün dua etmək məqsədi daşıyır.

Oxşar xəbərlər

Argentinanın XİN rəhbəri Mondino Kubanı dəstəklədiyi üçün vəzifəsindən azad edilib

Bakıda Xorvatiyanın tanıtımına həsr olunan görüş keçirilib - FOTO

Argentinanın Venesueladakı keçmiş səfiri dövlətə xəyanətdə ittiham olunur

MEDİA-nın təşkilatçılığı ilə Azərbaycan milli mətbuatının 150 illik yubileyinə həsr olunan tədbir keçirilib

Argentinada daşqınlar səbəbindən 7 mindən çox sakin təxliyə olunub