İranın sabiq Ali Rəhbəri Ayətullah Seyid Əli Xamenei ilə İraqda vida mərasimi keçiriləcək.

Sizinxeber.az-nın Tehran bürosunun xəbərinə görə, bu barədə Xameneinin dəfn mərasiminin təşkili üzrə qurumun sözçüsü İman Əttarzadə mətbuat konfransında bildirib.

Onun sözlərinə görə, İraq alimlərinin, dini və ictimai xadimlərin, eləcə də ölkə əhalisinin müraciəti əsasında Nəcəf və Kərbəla şəhərlərində vida mərasimi keçiriləcək, sabiq Ali Rəhbərin cənazəsi iyulun 8-də İraqa yola salınacaq.

Əttarzadə qeyd edib ki, İranda Seyid Əli Xamenei ilə vida mərasimi rəsmi olaraq iyulun 4-dən başlayacaq.

Ayətullah Seyid Əli Xamenei ilə vida mərasimləri iyulun 4 və 5-də Tehrandakı Mosalla kompleksində keçiriləcək. Sabiq Ali Rəhbərin cənazəsi iyulun 6-da Tehrandan, iyulun 7-də isə Qum şəhərindən yola salınacaq. O, öz vəsiyyətinə uyğun olaraq iyulun 9-da Məşhəd şəhərində dəfn ediləcək.

Oxşar xəbərlər

Seyid Əli Xamenei iyulun 9-da Məşhəddə dəfn ediləcək

İranda Əli Xamenei ilə vida və dəfn mərasimlərinin tarixləri elan edilib

Seyid Əli Xamenei üç günlük vida mərasimindən sonra Məşhəddə dəfn ediləcək

Seyid Əli Xameneinin dəfninin vaxtı açıqlanıb

Tehranda Həsən Nəsrullah ilə vida mərasimi keçirilir