ABŞ-da bəzi nüfuzlu respublikaçı qanunvericilər Prezident Donald Tramp administrasiyasını İranla sülh sazişinin tələsik bağlanmasından çəkindirməyə çalışırlar.

Bu barədə “Politico” qəzeti yazıb.

Nəşrin məlumatına görə, respublikaçılar Vaşinqton üçün əlverişsiz şərtlərlə razılaşmanın əldə olunacağından ehtiyat edirlər.

Qeyd olunub ki, əsas mübahisəli məsələlərdən biri İranın nüvə proqramının gələcəyi, o cümlədən yüksək səviyyədə zənginləşdirilmiş uran ehtiyatları və Hörmüz boğazında sərbəst gəmiçiliyin təmin olunmasıdır.

Nəşr yazır ki, bir sıra nüfuzlu respublikaçılar administrasiyanı İranla danışıqlardan və təzyiq siyasətindən imtina etməyə çağırır.

Onların arasında Senatın Silahlı Qüvvələr Komitəsinin sədri Rocer Uiker də var. O daha əvvəl İrana qarşı bombardmanların bərpasına çağırmışdı.

Şimali Karolina ştatından senator Tom Tillis isə administrasiyanın İranla mümkün razılaşmalar barədə “çox şeyi izah etməli olduğunu” bildirib.

Oxşar xəbərlər

Netanyahu: İranla müharibə bitmiş sayılmır

KİV: ABŞ kəşfiyyatı İranla bağlı mümkün ssenariləri qiymətləndirir

ABŞ-ın müharibə naziri ilə Adam Smit arasında İranla bağlı gərgin müzakirə aparılıb

KİV: Tramp İranla müharibənin bitməsi üçün daha çox kompromisə hazırdır

Tramp: ABŞ İranla dost olacaq