Gürcüstanın Mərkəzi Seçki Komissiyası (MSK) oktyabrın 15-ə olan məlumata görə, parlament seçkilərini müşahidə etmək üçün 64 beynəlxalq təşkilatı qeydiyyata alıb ki, bu da 2008-ci ildən bəri keçirilən bütün parlament seçkilərinin göstəricilərini üstələyib.

“Report” xəbər verir ki, bu barədə Gürcüstan mətbuatı məlumat yayıb.

Statistikaya görə, 2020-ci ildə parlament seçkilərini 48, 2016-cı ildə 55, 2012-ci ildə 61, 2008-ci ildə isə 62 beynəlxalq təşkilat müşahidə edib.

Beynəlxalq müşahidə təşkilatlarının qeydiyyatı oktyabrın 22-dək davam edəcək. Müraciətlər və yoxlamalar başa çatdıqdan sonra MSK hər bir təşkilatdan olan müşahidəçilərin sayını öz səhifəsində dərc edəcək.

Gürcüstanda parlament seçkiləri oktyabrın 26-da keçiriləcək.

Oxşar xəbərlər

Gürcüstan prezidenti rəsmi olaraq parlament seçkilərini oktyabrın 26-na təyin edib

Bu il parlament seçkilərini rekord sayda QHT müşahidəçiləri izləyəcək

Gürcüstanın parlament seçkiləri ilə əlaqədar Azərbaycanda üç seçki məntəqəsi yaradılacaq

Azərbaycanda növbədənkənar parlament seçkilərini 110 mindən çox yerli müşahidəçi izləyəcək