Azərbaycan minifutbol millisinin üzvü Taleh Babayev Bratislavada keçirilən Avropa çempionatında qazanılan qələbəni Azərbaycan xalqına həsr etdiklərini bildirib.

"Report" xəbər verir ki, komandaları turnirə ciddi hazırlaşıb və rəqiblər də Azərbaycan yığmasını ətraflı təhlil edib.

"Avropa çempionatına çox ciddi hazırlaşmışdıq. Bütün rəqiblər bizi yaxşı analiz etmişdilər, buna görə də müəyyən çətinliklərlə üzləşdik", – T.Babayev qeyd edib.

Millinin üzvü vurğulayıb ki, ilk dəfə Avropa çempionu olduqdan sonra komandanın üzərinə daha böyük məsuliyyət düşüb.

"Buna görə də növbəti oyunlara daha yaxşı hazırlaşdıq. Zirvəyə qalxmaq çətindir, onu qoruyub saxlamaq isə daha çətindir. Bu qələbəni Azərbaycan xalqına həsr edirik", – o əlavə edib.

Qeyd edək ki, Azərbaycan millisi Avropa çempionatının finalında Ukrayna yığmasını 2:0 hesabı ilə məğlub edib.

Oxşar xəbərlər

Taleh Babayev: Bu qələbəni Azərbaycan xalqına həsr edirik

Taleh Babayev: Bütün rəqiblər minifutbol millimizi yaxşı analiz etmişdi, hər oyunda çətinlik çəkdik

Azərbaycan yığmasının üzvü Məhəmməd Xəlilov: "Çexiya millisi Qazaxıstan kimi güclü kollektivdir"

Elşad Quliyev: "Avropa çempionu olsaq da, tempi aşağı salmaq istəmirik"

Minifutbol millisinin üzvü Vüsal İsayev: "Azarkeşlərin dəstəyi bizi sonadək döyüşməyə ruhlandırdı"