Bakıda Azərbaycan Voleybol Federasiyasının (AVF) təşkilatçılığı ilə keçirilən Beynəlxalq Voleybol Federasiyasının (FIVB) Level-2 məşqçi seminarı başa çatıb.

"Sizinxeber.az" AVF-yə istinadən xəbər verir ki, Gənclər və İdman Nazirliyinin Voleybol Mərkəzində və AVF-nin idman zalında keçirilən kursda 60-a yaxın iştirakçı olub.

Təlimlər iki qrup şəklində təşkil olunub. Birinci qrup üzrə məşğələlər 25-29 may, ikinci qrup üzrə isə 1-5 iyun tarixlərində keçirilib.

Təlimlərdə Azərbaycanla yanaşı, Türkiyə, Avstraliya, Kipr, İran, Hindistan, Ukrayna, İsrail və Belarusdan olan məşqçi və mütəxəssislər iştirak ediblər.

FIVB-nin məşqçi-instruktoru, professor Cengiz Akarçeşmenin rəhbərlik etdiyi kurs nəzəri və praktiki məşğələlərdən ibarət olub. Seminarın sonunda keçirilən imtahanlarda yüksək nəticə göstərən iştirakçılara FIVB-nin Level-2 beynəlxalq sertifikatı təqdim edilib.

Oxşar xəbərlər

Azərbaycan Voleybol Federasiyasının "2-ci dərəcə" məşqçi kursu başa çatıb

AVF-nin məşqçi-müəllimlər üçün təşkil etdiyi növbəti kurs başa çatıb

AVF-nin Bakıda məşqçi-müəllimlər üçün təşkil etdiyi növbəti kurs başa çatıb

Şahin Bağırov Bakıda keçirilən Level-2 məşqçi seminarının iştirakçıları ilə görüşüb

Azərbaycan Voleybol Federasiyası növbəti dəfə məşqçi kursu təşkil edəcək