Gürcüstan Mərkəzi Seçki Komissiyası (MSK) oktyabrın 26-da keçiriləcək parlament seçkiləri ilə əlaqədar Azərbaycanda üç seçki məntəqəsi yaradacaq.

Bu barədə "Sizinxeber.az"un yerli bürosuna Gürcüstan MSK-dan məlumat verilib.

Bildirilib ki, məntəqələrin üçü də Bakının N.Nərimanov rayonu ərazisində (Yaşar Hüseynov küçəsi 13/15) olacaq.

Qeyd edək ki, Gürcüstanda parlament seçkiləri üçün ən çox seçki məntəqəsi Yunanıstan, ABŞ, Türkiyə, Almaniya, Azərbaycan və İtaliyada açılacaq.

ABŞ və Yunanıstanın hər birində beş məntəqə, Almaniyada dörd, Azərbaycan, Türkiyə və İtaliyada üç, İspaniyada isə iki seçki məntəqəsi yaradılacaq.

Oxşar xəbərlər

Bu gün Azərbaycanda səsvermə günüdür

Parlament seçkilərində ən çox məntəqə sayı olan seçki dairəsi məlum olub

MSK: Parlament seçkilərinin başlaması ilə əlaqədar seçki məntəqələri hazır vəziyyətə gətirilir