Qərbi Balkan ölkələri Avropa İttifaqının (Aİ) gündəmində əsas prioritet olaraq qalır və onların gələcəyi Aİ daxilindədir.

"Report"un Balkan bürosu xəbər verir ki, bunu Monteneqroda səfərdə olan Xorvatiyanın Baş naziri Andrey Plenkoviç deyib.

O, Avropa İttifaqı ilə Qərbi Balkan ölkələri arasında iyunun 5-də Tivatda strateji siyasi dialoqun aparılmasının regiona güclü siyasi mesaj verdiyini vurğulayıb:

"Biz genişlənmənin transformasiyaedici gücünün həm region, həm də bütövlükdə Aİ üçün sülh, sabitlik, təhlükəsizlik və rifaha investisiya olduğuna inanmağa davam edirik. Bosniya və Herseqovina üçün aydın Avropa perspektivinin təmin edilməsi bizim üçün xüsusilə vacibdir".

Baş nazir həmçinin Cənub-Şərqi Avropada "Evindəki kimi rouminq" (Roam Like at Home) zonasının genişləndirilməsi istiqamətində əldə olunan irəliləyişi də alqışladıqlarını diqqətə çatdırıb:

"Bu, insanlara tam üzvlükdən əvvəl belə, Avropa inteqrasiyasının real faydalarını yaşamaq imkanı yaradır".

Oxşar xəbərlər

Qərbi Balkan ölkələri Aİ-yə üzvlük prosesinə siyasi sadiqliklərini təsdiqləyib

Fon der Lyayen: Aİ-Qərbi Balkan sammiti Avropa tarixinin növbəti səhifəsinə həsr olunub

Monteneqroda Aİ-Qərbi Balkan Sammiti ərəfəsində mədəni proqramlar təşkil olunub

Antonio Koşta: Ukrayna və Moldovanın gələcəklərinin Avropa İttifaqında olacağına şübhə yoxdur

Xorvatiyanın Baş naziri: "Orta Dəhliz Avropa ilə Asiyanın əlaqələrin gücləndirilməsində vacibdir"