Gürcüstanda Azərbaycan və Ermənistan sərhədlərinə çıxışı təmin edəcək Rustavi-Qırmızı Körpü və Alget-Sadaxlı avtomobil yolu layihəsinin tikintisi üzrə beynəlxalq tenderlər yenidən elan edilib.

"Sizinxeber.az"un yerli bürosu xəbər verir ki, layihə çərçivəsində avtomobil yolu dörd hissə üzrə inşa olunacaq: Rustavi–Algeti (I lot), Algeti–Qırmızı Körpü (II lot), Algeti–Arfalo (III lot) və Arfalo–Sadaxlo (IV lot).

Qeyd olunub ki, sözügedən magistral yol Şərq-Qərb və Şimal-Cənub beynəlxalq nəqliyyat dəhlizlərinin mühüm hissəsini təşkil edir və Gürcüstanın yol infrastrukturunu Azərbaycan və Ermənistan sərhədləri ilə birləşdirəcək.

Layihə çərçivəsində beynəlxalq yol təhlükəsizliyi standartlarına uyğun, küçə işıqlandırma sistemi ilə təchiz edilmiş 61,2 kilometrlik dörd zolaqlı beton avtomobil yolunun, həmçinin 26 körpü və 11 nəqliyyat qovşağının tikintisi nəzərdə tutulur.

Layihənin maliyyələşdirilməsi Avropa İnvestisiya Bankının krediti və Gürcüstanın dövlət büdcəsi hesabına həyata keçiriləcək. Magistral yolun layihələndirilməsi isə Dünya Bankının maliyyə dəstəyi ilə Niderland şirkəti tərəfindən hazırlanıb.

Yeni avtomobil yolunun regionda nəqliyyat əlaqələrinin genişlənməsinə, beynəlxalq yükdaşımaların sürətlənməsinə və sərhəd keçidlərinə çıxış imkanlarının yaxşılaşmasına töhfə verəcəyi gözlənilir.

Oxşar xəbərlər

Gürcüstan gələn il Azərbaycan və Ermənistan sərhədlərinə yüksək sürətli yol çəkəcək

İrakli Kobaxidze: "BTQ-də işlər 98,5 % tamamlanıb, Azərbaycanla sərhədə doğru avtomobil yollarına start verilib"

AYNA: "Qırmızı Körpü" gömrük postunda 800 avtomobil gözləyir

Qarabağ və Şərqi Zəngəzurda 4 min kilometrə yaxın avtomobil yolu çəkiləcək

AYNA: "Qırmızı-Körpü” gömrük postunda 400 avtomobil gözləyir