ABŞ və İran arasında mümkün sazişin imzalanması Vaşinqtonun 24 milyard dollar həcmində İran aktivlərini dondurulmuş vəziyyətdən çıxarmağa hazır olmasından asılıdır.

Bu barədə İranın ali liderinin hərbi müşaviri Möhsün Rzai CNN telekanalına müsahibəsində bildirib.

Onun sözlərinə görə, danışıqlar hazırda çıxılmaz vəziyyətə düşüb və bu vəziyyətdən çıxış yolu ABŞ Prezidenti Donald Trampın əlindədir.

“Danışıqlar dalana dirənib və Tramp onları bu vəziyyətdən çıxarmalıdır. Top Trampın meydançasındadır”, – deyə Rzai vurğulayıb.

İran rəsmisi qeyd edib ki, Tehran dondurulmuş vəsaitlərin azad edilməsini tərəflər arasında etimadın möhkəmləndirilməsi üçün vacib addım hesab edir.

“Əgər Tramp İranla razılıq əldə etmək istəyirsə, bu 24 milyard dollar etimad sınağıdır. İran bu sınağı Trampa təklif edir. Amerika bu imtahandan keçməlidir və bundan sonra yol açıq olacaq. Bu pullar Amerikaya deyil, İrana məxsusdur”, – deyə Möhsün Rzai bildirib.

Oxşar xəbərlər

Tramp: Gömrük rüsumları ABŞ-a gündəlik 2 milyard dollar qazandırır

Tramp: İran razılaşma əldə etmək istəyir

İran danışıqları davam etdirmək üçün ABŞ-dan 12 milyard dollar tələb edir

Avropa üçlüyü İstanbulda İranla nüvə məsələsini müzakirə edəcək, rəsmi danışıqlar aparılmayacaq

Araqçi ilə Trampın xüsusi nümayəndəsi Oman görüşünə rəhbərlik edəcək