Belarusun Ermənistandakı səfirliyi qarşısında keçirilən aksiya ermənilərin demoqrafik fəlakət yoluna getdiklərindən xəbər verir.

"Sizinxeber.az" BELTA-ya istinadən xəbər verir ki, bunu Belarus Milli Assambleyasının Nümayəndələr Palatasının (parlamentin aşağı palatası - red.) deputatı, "Belaya Rus" partiyasının sədri Oleq Romanov ONT telekanalına şərhində deyib.

"Bu, demoqrafik fəlakət yoludur, çünki Ermənistan cəmiyyəti parçalanır, ölkə isə demoqrafik potensialını itirir", - o vurğulayıb.

Xatırladaq ki, avqustun 21-də Belarusun Ermənistandakı səfirliyi qarşısında etiraz aksiyası keçirilib və nümayişçilər səfirliyin binasına pomidor, yumurta və kartof atıblar.

Bundan sonra Ermənistanın Minskdəki müvəqqəti işlər vəkili Narek Tiraturyan Belarus Xarici İşlər Nazirliyinə çağırılıb və ona “Ermənistan hüquq-mühafizə orqanlarının bunun qarşısını almaq üçün açıq-aşkar kifayət qədər tədbirlər görmədiyi” bildirilib.

Oxşar xəbərlər

Belarusun İrəvandakı səfirliyi qarşısında aksiya keçirilib, binaya pomidor, yumurta atılıb

Belarusun Ermənistandakı səfirliyi önündə aksiya keçirilib, səfirdən ölkəni tərk etmək tələb olunub - VİDEO

Ermənistanın müvəqqəti işlər vəkili Belarus XİN-ə çağırılıb

Belarus Ukrayna ilə diplomatik münasibətləri kəsə bilər

Belarus Baltikyanı ölkələri dənizə çıxışını məhdudlaşdırmaqda ittiham edib