Belarusun Ermənistandakı səfirliyi qarşısında etiraz aksiyası keçirilib.

APA Ermənistan KİV-nə istinadən xəbər verir ki, aksiyaya səbəb Belarus lideri Aleksandr Lukaşenkonun ermənilərə ünvanladığı bəyanatlar olub.

Aksiyada iştirak edən siyasi fəal Armen Babacanyan Belarus səfirini yerləşdiyi binadan ilk olaraq Lukaşenkonun dostu kimi tanınan Qaqik Tsarukyanın çıxaracağına ümid etdiyini bildirib.

Babacanyan “Respublika Naminə”, “Respublika”, Avropa Partiyası, “Avropa Hüququ”, Azad Vətəndaş” QHT-ləri və “Asparez” klubunun məsələ ilə bağlı birgə bəyanatını təqdim edib.

Bəyanatda Belarusla diplomatik münasibətləri kəsmək, Belarus səfirini arzuolunmaz şəxs elan etmək və ona ölkəni tərk etmək üçün 3 gün vaxt vermək tələbi var.

Aksiyanın sonunda iştirakçılar səfirliyin binasına pomidor, yumurta və kartof atıblar.

Oxşar xəbərlər

Belarusun İrəvandakı səfirliyi qarşısında aksiya keçirilib, binaya pomidor, yumurta atılıb

Lukaşenko Belarusun istənilən təhlükənin qarşısını almağa tam hazır olduğunu bildirib