Türkiyə hökuməti bir həftə ərzində meşə yanğınlarından zərər çəkmiş dörd vilayətdən 4 minə yaxın sakini təxliyə edib.

“Report” xəbər verir ki, bu barədə Təbii Fəlakətlərin İdarə Olunması İdarəsinin (AFAD) “X” sosial şəbəkəsində hesabında paylaşım edilib.

Məlumata görə, son bir həftə ərzində ölkə ərazisində 131 kənd təsərrüfatı və meşə yanğını baş verib: “AFAD Fəlakətlərə Cavab Planı çərçivəsində havadan və qurudan dərhal tədbirlər həyata keçirib. Yanğının nəzarət altına alındığı ərazilərdə zərərin qiymətləndirilməsi və bununla bağlı tədbirlər həyata keçirilir”.

Qeyd edilib ki, ola biləcək insan tələfatının qarşısını almaq üçün yanğınların yaxınlığında yerləşən yaşayış məntəqələrində yaşayan vətəndaşlar AFAD, polis və jandarm qüvvələri tərəfindən təhlükəsiz ərazilərə təxliyə edilib.

Bununla əlaqədar İzmirdə 1430, Manisada 1475, Boluda 516, Aydında 550 nəfər təxliyə edilib.

Oxşar xəbərlər

Türkiyədə meşə yanğınları ilə bağlı 6 nəfər saxlanılıb, daha 3-ü axtarışa verilib

Türkiyədə 72 yanğından 45-i nəzarət altına alınıb

İzmirdə meşə yanğını yaşayış evlərinə çatıb, sakinlər təxliyə olunur

İzmirdə meşə yanğını nəticəsində 30 ev yanıb - YENİLƏNİB