Ermənistan 2030-cu ilə qədər Türkiyə və Azərbaycanla sərhədlərin və nəqliyyat kommunikasiyalarının açılacağına ümid edir, bu isə Cənubi Qafqazı Avropa və Mərkəzi Asiya arasında əsas əlaqələndirici həlqəyə çevirməyə imkan verəcək.

"Report"un Avropa bürosunun məlumatına görə, bunu Ermənistan xarici işlər nazirinin müavini Vahan Kostanyan bildirib.

Onun sözlərinə görə, İrəvan regional nəqliyyat layihələri üzərində işi davam etdirirdiyi və qonşu ölkələr tərəfindən daha çox səmimilik əlamətləri gördüyü üçün kommunikasiyaların açılması daha tez də baş verə bilər.

"Bizim baxışımız bundan ibarətdir ki, 2030-cu ilə qədər təəssüf ki, sərhədlərin indiyədək bağlı olduğu iki qonşumuzla - Türkiyə və Azərbaycanla açıq kommunikasiyalarımız və açıq sərhədlərimiz olacaq", - Kostanyan bildirib.

O bildirib ki, Ermənistan amerikalı tərəfdaşları ilə birlikdə "Tramp Marşrutu" (TRIPP) layihəsinin işə salınması üçün hüquqi hazırlıqları yekunlaşdırır. Bu layihə Cənubi Qafqazın nəqliyyat xəritəsini dəyişdirməyə və Avropa ilə Mərkəzi Asiya arasında əlaqələri genişləndirməyə qadirdir. Eyni zamanda layihənin ilk növbədə dəmir yolu komponentinə yönəlmiş texniki-iqtisadi əsaslandırması hazırlanır.

Xəbər yenilənir

Oxşar xəbərlər

Kostanyan: Ermənistan regionda kommunikasiyaların qurulmasında maraqlıdır

Kostanyan: Bakı və İrəvan arasında qarşılıqlı ixrac üzrə ilkin razılaşmalar əldə olunub

Nazir müavini: TRIPP şirkətinin yaradılması ilə məşğuluq, işlər çox fəal şəkildə aparılır

Kostanyan: Ermənistan yaxın vaxtlarda Rusiya ilə ixrac məsələlərini tənzimləməyə ümid edir

Kostanyan: Ermənistan və Azərbaycan kommunikasiyaların açılması istiqamətində səylərini artırmalıdır