Ermənistanın Şirak vilayətinin icma rəhbəri Vardan Qukasyan və bir qrup şəxs ölkədə çevriliş hazırlayırdılar.

"Report" xəbər verir ki, bu barədə Ermənistan mediası ölkənin İstintaq Komitəsinə istinadən məlumat yayıb.

"Şirak vilayətinin icma rəhbəri Vardan Qukasyan digər şəxslərlə birgə 2025-ci il ərzində Ermənistanda müxtəlif şəxslərlə görüşlər və tərəfdarların cəlb edilməsi vasitəsilə hakimiyyətin qəsb edilməsinə yönəlmiş hazırlıq hərəkətlərini ehtimal ki, həyata keçirib... Lakin şəraitlə əlaqədar olaraq, onların planı baş tutmayıb", - komitədən bildirilib.

Qeyd olunub ki, bu məruzə ilə əlaqədar Dövlətə qarşı cinayətlərin istintaqı üzrə Baş İdarə Ermənistan Cinayət Məcəlləsinin 43-419-cu maddəsinin 1-ci hissəsi (hakimiyyətin qəsb edilməsinə hazırlıq) ilə cinayət işi qaldırıb. Cinayət icraatı çərçivəsində bu prosesə aidiyyəti olan bütün şəxslərin müəyyən edilməsi üzrə tədbirlər görülür.

Oxşar xəbərlər

Ermənistanda arxiyepiskop Mikael Acapaxyan saxlanılıb

Gümrü şəhərinin keçmiş merinin səs yazısının olduğu işlə bağlı cinayət işi açılıb

Ermənistanın Baş nazirinə sui-qəsd cəhdində ittiham olunan şəxs həbs edilib

Erməni apostol kilsəsinin arxiyepiskopu barəsində cinayət işi açılıb

Ermənistanda Paşinyanın saxta səs yazısı ilə bağlı cinayət işi açılıb