İranın Qərbi Azərbaycan əyalətindəki Urmiya gölünün bərpası qərargahında 27 qərar qəbul edilib.

“Sizinxeber.az” “Mehr” agentliyinə istinadən xəbər verir ki, bunu Urmiya gölünün xilas edilməsi üzrə Milli İşçi Qrupunun katibi Reza Rəhmani Qərbi Azərbaycan əyalətində uyğun məsələyə dair keçirilən iclasda çıxışı zamanı deyib.

"Urmiya gölü hamı üçün vacibdir və bizim ən mühüm missiyamız onun bərpası planlarını həyata keçirməkdir", - o vurğulayıb.

Qərbi Azərbaycan əyalətinin başçısı Məhəmməd Əmin Rzazadə bildirib ki, bağçılıqla məşğul olmaqla yanaşı, Urmiya gölünün dirçəlişi haqqında düşünməyin mümkün olmadığını bildirərək deyib: “Bu gün biz bilməliyik ki, Urmiya gölü haqqında ən çox narahat olanlar gölə yaxın ərazilərin sakinləridir".

Rəhmaninin sözlərinə görə, Urmiya gölünün quruması hadisəsi hökumətə hücum alətinə çevirilməməlidir.

İclas iştirakçıları qeyd ediblər ki, Urmiya gölünə tökülən suyun suvarma işlərinə sərf edilməsi gölün səviyyəsinin düşməsinə səbəb olur.

Mütəxəssislər hesab edirlər ki, İran hakimiyyətinin su ehtiyatlarından plansız istifadəsi səbəbindən Urmiya gölü quruyur.

Oxşar xəbərlər

Baş direktor: Urmiya gölünün sahəsi 210 kv.km azalıb

Yaponiya hökuməti Urmiya gölünün bərpasına maliyyə ayırıb

Urmiya gölünün səviyyəsi əhəmiyyətli dərəcədə artıb

Yaponiya hökuməti Urmiya gölünün xilası üçün növbəti maliyyə yardımı ayırıb

Urmiyada beş məhbusun barmaqları kəsiləcək