Qərbi Azərbaycan əyalətində yerləşən Urmiya gölünün sahəsi 210 kv.km azalıb.

“Report” xəbər verir ki, bunu İranın Qərbi Azərbaycan Regional Su Şirkətinin baş direktoru Məcid Dəstgahi “Mehr” agentliyinə müsahibəsində bildirib.

Onun sözlərinə görə, bu il aprelin 5-də gölün su olan ərazisi 1140 kv.km təşkil edib: “Ötən ilin uyğun dövründə bu göstərici 1350 kv.km olub”.

Baş direktor bildirib ki, Urmiya gölünün səviyyəsi hesabat dövründə 1270,28 metr olub: “Ötən ilin eyni dövründə bu rəqəm 1270,34 metr idi. Bu da onu göstərir ki, göldə suyun səviyyəsi də azalır”.

Məcid Dəstgahi Urmiya gölündə suyun həcminin azaldığını da söyləyib: “Hazırda suyun həcmi 1,63 milyard kubmetrdir. 2018-ci ilin hesabat dövründə isə bu göstərici 1,8 milyard kubmetr idi”.

O, martda yağıntıların miqdarının da ötən ilin eyni dövrü ilə müqayisədə 49,6 faiz azaldığını qeyd edib: "Növbəti aylarda yağıntıların miqdarı azalarsa, Urmiya gölünün vəziyyəti problemli olaraq qalacaq".

Oxşar xəbərlər

Urmiya gölünün səviyyəsi əhəmiyyətli dərəcədə artıb

Yaponiya hökuməti Urmiya gölünün bərpasına maliyyə ayırıb

Ceyranbatan su anbarında suyun səviyyəsi ötən illə müqayisədə qalxıb

ABŞ-dən Avropaya mayeləşdirilmiş təbii qaz ixracı 10 ayda 23 % azalıb

İran iqtisadiyyatı iki dəfə kiçilib