Qərbi Azərbaycan əyalətində quruyan Urmiya gölündə suyun səviyyəsi əhəmiyyətli dərəcədə artıb.

“Sizinxeber.az” xəbər verir ki, bu barədə İran Energetika Nazirliyinin Qərbi Azərbaycan əyalətindəki bölməsindən bildirilib.

Məlumata görə, ötən illə müqayisədə göldə suyun həcmi 0,19 milyard kubmetrdən 1,24 milyard kubmetrədək, su hövzəsinin dərinliyi isə 1270,05 metrdən 1270,13 metrədək artıb.

Bildirilib ki, ötən bir il ərzində Urmiya gölünün sahəsi 160 kv/km-dən 930 kv/km-dək çoxalıb.

Mütəxəssislərin hesablamalarına əsasən, Urmiya gölündə ekoloji sabitliyin yaranması üçün orada suyun həcmi 5 milyard kubmetrdən çox təşkil etməlidir.

Oxşar xəbərlər

Yaponiya hökuməti Urmiya gölünün bərpasına maliyyə ayırıb

Kür çayında suyun səviyyəsi artıb

Urmiyada beş məhbusun barmaqları kəsiləcək

Ceyranbatan su anbarında suyun səviyyəsi ötən illə müqayisədə qalxıb

Azərbaycan əhalisinin borclanma səviyyəsi 4 faiz bəndi artıb