Sutka ərzində Hörmüz boğazından dünya bazarlarına 17 milyon bareldən çox neft və digər yüklər daşıyan 55 ticarət gəmisi keçib.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığının (CENTCOM) "X" sosial şəbəkə hesabında yaydığı bəyanatda deyilir.

Məlumata görə, Amerika Silahlı Qüvvələri gəmiçilik azadlığını dəstəkləmək məqsədilə boğaz ərazisində fəaliyyətini davam etdirir.

"ABŞ Silahlı Qüvvələri İranla razılaşmanın bütün aspektlərinə riayət edilməsini, onun icrasını, tam qüvvəyə minməsini təmin etmək üçün öz mövcudluğunu və sayıqlığını qoruyub saxlayır", - bəyanatda qeyd olunur.

Xatırladaq ki, İranda ABŞ-nin hərbi əməliyyatların dayandırılması barədə razılaşmanın birinci bəndini yerinə yetirməməsi ilə əlaqədar Hörmüz boğazı vasitəsilə gəmilərin hərəkətinin dayandırıldığı bəyan edilib. Bu barədə əvvəlcə "Xatəm əl-Ənbiya" Mərkəzi Qərargahı, sonra isə İslam İnqilabı Keşikçiləri Korpusu (SEPAH) bəyanatlar yayıb. Əsas səbəb kimi, İsrailin Livana hücumları fonunda ABŞ-nin atəşkəsin bərqərar olması ilə bağlı öhdəlikləri pozması göstərilir.

Oxşar xəbərlər

SEPAH: Son sutka ərzində Hörmüzdən 26 gəmi keçib

ABŞ hərbçiləri Hörmüz boğazında ticarət gəmilərini hədəf alan İran dronlarını vurub

CENTCOM: ABŞ Hörmüz boğazında 75 ticarət gəmisini saxlayıb

SEPAH: Gəmilər Hörmüz boğazına yaxınlaşmamalıdır - YENİLƏNİB

CENTCOM: Hörmüzün blokadasında 10 mindən çox hərbçi və onlarla gəmi iştirak edir