Ukrayna xarici işlər naziri Andrey Sibiqa yaxın zamanda Avropa İttifaqının Rusiyaya qarşı 18-ci sanksiya paketinin qəbul ediləcəyinə ümid edir.

"Sizinxeber.az" Ukrayna KİV-lərinə istinadən xəbər verir ki, o, bu barədə Kiyevdə almaniyalı həmkarı İohann Vadeful ilə birgə mətbuat konfransında bildirib.

"18-ci sanksiya paketi yaxın zamanda qəbul edilməlidir. Biz buna çox ümid edirik. Tərəfdaşlarımız Rusiyaya qarşı sanksiyaları təkcə Ukraynanı dəstəkləmək üçün deyil, həm də özləri üçün - Avropanı qorumaq üçün tətbiq edirlər", - o vurğulayıb.

Sibiqa Almaniyaya sanksiya paketinin irəliləməsində dəstəyinə, həmçinin "Şimal axınları" ilə bağlı qəti mövqeyinə görə təşəkkür edib.

"Rusiyaya təzyiq Atlantikanın hər iki tərəfində koordinasiya edilməlidir. Biz ABŞ-də güclü sanksiya addımlarının, xüsusilə Lindsi Qremin qanun layihəsinin qəbul ediləcəyinə ümid edirik. Belə addımlar sülh prosesinə mane olmayacaq, əksinə kömək edəcək", - nazir bildirib.

Oxşar xəbərlər

Macarıstan və Slovakiya Rusiyaya qarşı 18-ci sanksiya paketinin qəbul edilməsini bloklayıb

Aİ-nin Rusiyaya qarşı 17-ci sanksiya paketinin yarısını Fransa XİN hazırlayıb

Pinyu: Rusiyaya qarşı 17-ci sanksiya paketinin qüvvəyə minmə tarixi Ukrayna üzrə danışıqların gedişindən asılıdır

Fransanın XİN başçısı Rusiyaya qarşı 17-ci sanksiya paketinin razılaşdırıldığını təsdiqləyib

Litva XİN: Aİ bu gün Rusiyaya qarşı 18-ci sanksiya paketinin hazırlanmasına başlayacaq