Türkiyənin Adana şəhərində ölüm və xəsarətlə nəticələnən silahlı insident olub.

“Sizinxeber.az”un xəbərinə görə, hadisə Seyhan rayonunun Barış məhəlləsində baş verib.

Bir qrup şəxs arasında başlayan mübahisə qısa zamanda silahlı insidentə çevrilib. İnsident zamanı Həsən Karaaslan adlı şəxs tapançadan açılan atəşlə boynundan və başından, daha 4 nəfər isə ayağından güllə yaraları alıb.

Davada iştirak edənlərdən bəziləri hadisə yerindən qaçıb. Əraziyə polis əməkdaşları və təcili yardım cəlb olunub.

Polis ərazidə təhlükəsizlik tədbirləri görüb, yaralılar təcili yardım maşınları ilə şəhərin müxtəlif xəstəxanalarına aparılıb.

Həkimlərin müdaxiləsinə baxmayaraq, vəziyyəti ağır olan və reanimasiya şöbəsinə yerləşdirilən H.Karaaslanı xilas etmək mümkün olmayıb.

Hadisə ilə bağlı araşdırma aparılır.

Oxşar xəbərlər

Tennessidə orta məktəbdə silahlı insident olub, ölənlər var

Türkiyədə silahlı hücum zamanı bir neçə polis əməkdaşı yaralanıb

Türkiyədə silahlı hücum zamanı 5 nəfər xəsarət alıb

Türkiyədə silahlı hücum zamanı bir neçə polis əməkdaşı yaralanıb, 11 şübhəli saxlanılıb - YENİLƏNİB

İstanbulda xəstəxanaya silahlı hücum olub, yaralılar var