Minifutbol üzrə Avropa çempionatından növbəti dəfə qələbə ilə qayıdan milli komandamızın üzvləri sponsorları "Abşeron" Ticarət Mərkəzinin qonağı olub.

İkiqat qitə çempionlarını "Abşeron" Ticarət Mərkəzinin direktoru Araz Rəhimov səhər yeməyində qarşılayıb. Ticarət Mərkəzinin direktoru komandanı qələbə münasibətilə təbrik edib və yeni-yeni uğurlar arzulayıb.

Sonra qaliblər üçün azarkeşlərlə görüş keçirilib. Tədbirdə futbolçular xüsusi hazırlanmış milli komanda formalarını imzalayıblar. Futbol fanatları çempionlardan imzalı forma almaq, xatirə şəkilləri çəkdirmək, onlarla söhbət etmək imkanı əldə ediblər.

Qeyd edək ki, "Abşeron" Ticarət Mərkəzi minifutbol üzrə Azərbaycan milli komandasının sponsorlarından biridir və ölkəmizə böyük qürur yaşadan idmançılarımıza dəstəyini davam etdirir.

Oxşar xəbərlər

“Azercell” dünya çempionlarını təbrik edib

Avropa çempionu olan Azərbaycanın minifutbol millisi azarkeşlərlə görüşəcək

İlham Əliyev Avropa çempionu olan minifutbol üzrə Azərbaycan millisini təbrik edib

Səfir: Azərbaycan minifutbol komandası yüksək oyun nümayiş etdirib və bu uğura tam layiq olub

Minifutbol üzrə Azərbaycan millisi ikiqat Avropa çempionu olub