Pentaqonda binanın içərisində havanın keyfiyyəti ilə bağlı problemlər aşkar edildikdən sonra əməkdaşların bir hissəsi təxliyə edilib və bir sıra otaqlara giriş məhdudlaşdırılıb.

"Sizinxeber.az" xəbər verir ki, bu barədə CNN Pentaqonun nümayəndəsi Şon Parnellə istinadən məlumat yayıb.

Onun sözlərinə görə, kompleksin sistemləri havanın keyfiyyətinin pisləşdiyini qeydə alıb, bununla əlaqədar olaraq hadisənin səbəbləri aydınlaşdırılana qədər ehtiyat tədbirlər görülüb.

"Nazirlik standart təhlükəsizlik protokollarını həyata keçirir, o cümlədən təsirlənmiş ərazidə olan şəxslərə olduqları yerdə qalmaları barədə göstəriş verib. Reaksiya qrupları hadisə yerindədir və bina əməkdaşlarına dəstək göstərməyə hazırdır", - o qeyd edib.

Arlinqton dairəsi yanğınsöndürmə xidmətinin məlumatına görə, Pentaqonda təhlükəli maddələrlə bağlı insident baş verib. Hadisə yerinə kimyəvi təhlükələrə cavab tədbirləri üzrə mütəxəssislər yönləndirilib, onlar Pentaqonun obyektlərin mühafizəsi bölməsi ilə birlikdə işləyirlər.

Pentaqonun təhlükəsizlik xidmətinin daxili bildirişində havanın keyfiyyəti ilə bağlı əlavə yoxlamaların bir saatdan iki saata qədər çəkə biləcəyi göstərilir.

İnsidentin başvermə şəraiti və havanın keyfiyyətinin pisləşməsinin ehtimal olunan səbəbi hələ müəyyən edilməyib. Araşdırma davam edir.

Oxşar xəbərlər

Pentaqonda müşavir etdiyi səhvə görə məzuniyyətə göndərilib

Pentaqonun bir neçə mərtəbəsi bağlanıb, "təhlükəli maddələr hadisəsi"nə görə təxliyə aparılır

SOCAR: Havanın kəskin dəyişməsinə görə təhlükəsizlik tədbirləri gücləndirilib

Floridada "Eqlin" aviabazasında baş verən hadisədə iki nəfər xəsarət alıb

"NBC News": Pentaqonda İsrail kəşfiyyatının ABŞ məmurlarına qarşı fəaliyyətindən ehtiyat edirlər