Hindistanın cənubundakı Banqalor şəhərində stadionda yaşanmış izdiham nəticəsində azı 11 nəfər ölüb, onlarla insan yaralanıb.

“Sizinxeber.az” xəbər verir ki, bu barədə “News18” telekanalı məlumat yayıb.

Məlumata görə, minlərlə kriket həvəskarı son 18 ildə ilk dəfə Hindistan Premyer Liqasının qalibi olan yerli “Royal Challengers Bengaluru” komandasını qarşılamaq üçün “Çinasvami” stadionuna toplaşıb.

Amma tədbirdə iştirak etmək istəyənlərin sayı gözlənildiyindən daha çox olub. Belədə stadiona girişdə izdiham, basabas yaranıb. Sosial şəbəkələrdə yayılan görüntülərdə izdihamda çaxnaşma, eləcə də polislərin yaralıları, huşunu itirmiş insanları izadihamın içərisindən çıxararaq yaxınlıqdakı xəstəxanaya göndərdiyi görünür.

Yerli hakimiyyət orqanlarından hələlik ölən və yaralananların sayı ilə bağlı rəsmi məlumat yoxdur.

Qeyd edilir ki, izdihamda ölənlər arasında uşaq da olub, bir neçə nəfərin vəziyyəti isə ağırdır. Polis vəziyyəti nəzarət altına almaq üçün güc tətbiq etməli olub.

Oxşar xəbərlər

Qvineyada stadionda izdiham zamanı 50 nəfər ölüb

Hindistanda dini məbəddəki izdihamda 6 nəfər ölüb

Hindistanda izdihamda azı 40 nəfər ölüb

Hindistanda dini festival zamanı növbəti izdihamda yeddi nəfər ölüb

Nigeriyada yarmarkada izdihamda 40 uşaq ölüb